مولودی خوانی به زبان آذری به مناسبت میلاد حضرت محمد (ص )
تعدادی از اشعار مولودی خوانی که توسط شاعران اهل بیت سروده شده به مناسبت تولد پیامبر اکرم، در این صفحه آورده ایم .
شعر مولودی ترکی ولادت حضرت رسول اکرم (صلی الله)
موج ایدوب دریای لطف خالق عالم بوگون
قویدی دنیایه قدم پیغمبر خاتم بو گون
هاتف غیبی اوجا صوتیله جاءَ الحق دیدی
باطل اِضمحلانینون ختم اولماسین مطلق دیدی
یعنی دین احمدی رمزاً تاپار رونق دیدی
گلدی دنیایه ائدن دین پایه سین محکم بو گون
گورسنوب اوضاع عالمده بیوک بیر انقلاب
عالم حیرتده مات اولدی تماماً شیخ و شاب
فکر ایدوبلر حشر اعظمدور اولور عالم خراب
یا نه وار نظم و نظام دهر اولوب برهم بو گون
تا تولّد تاپدی پیغمبر یتوردی پا یره
گوستروب نچّه حوادث عالم بالا یره
سلطنت تختی یخلدی واریدی هاردا یره
بو عجیب امره تعجّب قالدی هر ذی دم بو گون
یر یوزینده واریدی هر نه سلاطین اولدی لال
نه جوابه اولدی قادر، نه ایده بولدی سوال
کند مادرزاده مانند اولدولار بی قیل و قال
تا ایشیق گوندوز اولونجا شامیله توام بو گون
اولدی ایوان مداین گوئیا بی پای بست
ایلدی لرزه به سانِ شاخِ بیدِ نو نشست
طاق کسری که اولوب مشهور او گون اولدی شکست
گوسترور آثارین ایمدی اهلینه عالم بو گون
سوندی مین ایل اتّصالاً سونمین آتشکده
فرقه ی آتش پرست فارس اولوب ماتم زده
حسّ ایدن اولموب ندور علّت همان پیش آمده
بعضی دللردن مسرّت گیتدی گلدی غم بو گون
اولدولار یکسر کلیساده صنم لر واژگون
یوز ویروب غم بت پرست اشخاصه حدّیندن فزون
وار یری عرض اولسا بعضی احمق و خوار و زبون
ساخلادی خلق ایتدیقی اللهینه ماتم بو گون
دیشده انگشت تحیّر ساحر و کاهن تمام
هر بیری اوز صنعت فعلینده عاجز خاصّ و عام
هیچ بیری آگاه اولانموردی ندور بو ازدحام
لیک کشف ایلردیلر بیر سرّ وار مبهم بو گون
خشک اولوب دریای ساوه، دوندی لَم یَزرَع چوله
سو سماوه دشتینه گلدی شبیه اولدی گله
اضطراب و وحشتیندن آز قالوب ابلیس اُله
بار غمدن قدّ سرو آساسی اولدی خم بو گون
ماجرادن چوخ تفحّص ایتدی تاپسون اطلاع
بیر به بیر یغدی شیاطینی ایدوب بیر اجتماع
گوندروب ایتسونله اصوات سمانی استماع
آنلاسون یرده ندور تا شورش اعظم بو گون
دفتر شاعر به سانِ حجره ی عطّاردور
«حافظی» شاعر دگل یوخدان ولی بیزاردور
اولسا مولود ایستین ایستور دیسون که واردور
بو متاعه گر خریدار اولسا بیش و کم بو گون
شاعر : مرحوم حافظی تبریزی
متن مولودی در ولادت حضرت رسول اکرم (صلی الله)
گلـدی جهـــانه گل بـاغ بــرین
خاتم مرسل شــَرف مرسلیـــن
مظهـرخـلاق جهان شمس دین
احمـدو محمـود رســـول امین
یرگوی اولوب غرق سروروسلام
قویدی قــدم عـــالمه خیـرالانام
مفخــر اولاد بشر مصطـــفا
مشعــل پـُرنـور ره کبــریا
آمنه خـاتـونه اولان دلــربا
آدی محمـّد ئوزی نوردوعین
یرگوی اولوب غرق سروروسلام
قویدی قدم عـالمه خیـرالانام
عــالمه بیــر روح دوبـاره گلـُوب
شوق وشعف غملی هزاره گلـُوب
مژده وئرون غملره چاره گلـُوب
غبطـه ائدر بو شـــــه اهـل یقـین
یرگوی اولوب غرق سـروروسلام
قــویدی قــدم عـالمه خیـرالانام
قامتی چون سَـرو ریاض جنان
گـوزلری شهـــلا خم ابـرو کمان
هرباخشی ذی نفسه جاندی جان
گورمیوب عالم بئله بیرمه جبین
یرگوی اولوب غرق سروروسلام
قویدی قدم عـالمه خیـرالانام
ایتدی بهشت عالمی شمس الضُحا
روشن ایـدوب هــریری بدرالُــدجا
شـاد وخـرامانـدی بوتون ماسـوا
نوریله زینت لنــوب عرش وزمین
یرگوی اولوب غرق سروروسلام
قــویدی قــدم عـالمه خیـرالانام
شاعر : کربلایی موسی جوانی تبریزی
متن سرود در ولادت حضرت رسول اکرم (صلی الله)
مژده بو گون عالملر سرخوش و شیدادی
مست ایلین دنیانی حضرت طاهادی
عالم ایدور شادی
گور نجه غوغادی
حورا آقامون مقدمینه لاله دوزوللر
حیراندی گوزل طلعتینه حسنی گوزللر
صورتی زیبادی
قامتی طوبادی
لبلری شیریندی
گوزلری شهلادی
یارسول الله مولا_آدیوه قربانم
دولدوروب الله بو گون هلهله افلاکی
عشق محمد دوتموش بو دل صد چاکی
دوره لیوب قدسی لر سید لولاکی
یوسفه باخ حسرتلن غرق تماشادی
عالم ایدور شادی
گور نجه غوغادی
ملک شرف و عشقه اونی شاه گورورم من
نورینده گلوب جلویه الله گورورم من
سید سرمد دی
جلوه ایزد دی
حمد اولا اللهه
حسنی محمددی
یارسول الله مولا_آدیوه قربانم
آمنه خاتون بوسه ویردی دوداقیندن
روضه ی رضوان عطری آلدی یاناقیندن
غبطه سلیمان ایلر ئوپسه ایاقیندن
شان و مقامی والا رتبه سی اعلادی
عالم ایدور شادی
گورنجه غوغادی
لطفین اونا شامل ایلیوب حضرت دادار
غم گورمز اونون عترتینه عاشق اولانلار
سرور بطحادی
خلقته مبنادی
مفخری خلقتده
حضرت زهرادی
یارسول الله مولا_آدیوه قربانم
شاعر : ناعم
شعر مداحی مولودی ترکی ولادت حضرت رسول اکرم (صلی الله)
رحمتِ حضرتِ حق اولدی هُویدا بو گیجه
آچدی دنیایه گوزون حضرتِ طاها بو گیجه
عرش و فرشی بورویوب شَعشَه ی نور نَبی
اولدی افواج مَلَک غرق تماشا بو گیجه
باغلانوبدی بت و بتخانه لرون بازاری
لات و عُزّی’ ده دوشوب توپراقا حتّی’ بو گیجه
عالِم علم الهی سبب عزّتِ خلق
صاحبِ خُلقِ جَمیل و یدِ بیضا بو گیجه
جهل دن خَلقی خلاص ایلماقا حضرت حق
خَلق ایدوب خِلقتینه مُنجی و مولا بو گیجه
انبیاء خاتمی دور احمد (ص) و محمود(ص)آدی
دییب احسن اوزونه خالقِ یکتا بو گیجه
شاد و خرم دی دلِ حضرت زهرا (س) بو گیجه
بو سوزه بانی اولوب حاج (حسن آروانه )
یازدی “دلجو” اولا امواتینه اهدا بو گیجه
ایسته سن گر آلاسان فاطمه دن یاخشی برات
بو ایکی نور جلی روحینه گوندر صلوات
شاعر : استاد دلجو
متن سرود ولادت حضرت محمد (صلی الله)
ویردی باش شمس آسمان هدا
تیره دنیایه سالدی نور و ضیا
نوری اوّلده خلقت اوّل
مصدر هستیِ هامی دنیا
اعظم نَیّرات هر اشراق
پخش ایدن عرش و فرشه نور خدا
روح ارواح و عقل کل عقول
ئوزی اصل اصول ایچون معنا
وصفینه شعر ده نه گنجایش
زورقه یرلَشَر نجه دریا
هامی واله معارفیندن اونون
ماعَرَفنایه دور او نغمه سرا
عقل اقدم، وجودی اصل قدیم
حادث با قدیم اولان پیدا
رتبه ده بیر حجاب اَقرب اُزی
آب و گِلدَه اولان نبیّ هدا
کف دستینده ملکیله ملکوت
خاتم الانبیاء رسول خدا
باغ فردوس شمَّه لطفیندن
قهری بیر شعلۀ جهنّم زا
شرح وصفینده عاجز و اَبکَم
خِرَد و فهم و منطق گویا
عالم وحی دن اولان آگاه
لی مَع الله مقامینه دارا
محرم بارگاه لاهوتی
جَبَروته شهنشه والا
مُتَحیّر جلال و شأنیندن
سربسر اهل عالم بالا
غیب مکنون ظهور حُسنینده
لیل ظلمتده حسنی بدر دُجا
چمن ملک استقامتده
قامتی رشگ قامت طوبا
لیل اسراده ایلین معراج
هم ایدن سیر خطّ او اَدنا
یاریله بیرجَه پرده فاصله ده
صحبته دل آچان رسول خدا
ردّ ایدوبدور علی سسیله جواب
خالق صوت عالی اعلا
قویولان چیگنینه یدالله الی
قاب قوسینده لَیلَهُ الاَسرا
مصطفا اصطفا سریرینده
مجتبا بَرگُزیدۀ یکتا
آدی یرده محمّد محمود
گویده احمد دی شهرتی طاها
تائبا بسدی ایله قطع کلام
مصطفانی ایدوبدی مدح خدا
خرگهی فوق مَسقَفِ مرفوع
درگهی رشگ جنّتُ الماوا
صبحدن شامه تک بو عالمده
آلار اوندان تمام خلق جِلا
محفل خاصّی،محفل قدسی
رحمتی کلّ ماسوایه کفا
ماه رخسار نازنینی اولان
نور بخش تمام ارض و سما
پاک آئینی، بیر چراغ منیر
دینی بیر طلعت جهان آرا
حلقۀ بَندگان کویینده
عقلدور بیر کمین غلام بَلا
ریزه خواری جناب میکائیل
خوان احسانی دهر سرتاپا
طفلدور مکتبینده روح الامین
آدمه اولموش عَلّم الاسما
شاعر : مرحوم حاج صادق تائب تبریزی
شعر ترکی ولادت حضرت رسول اکرم (صلی الله)
چخوب شرق رسالتدن بو گون بیر شمس نورانی
منوّر ایلدی نور نبوّت کون و امکانی
طلوع ایتدی زمان صبحیده اول نیّر تابان
دوتوب یوز درگه ربّ جلیله سرور دوران
موحّد اولماقین ویردی ازلده عالمه اعلان
شهادت ویردی حقّه یاد ایدوبدور حیّ سبحانی
سالوب نور جمالی مکّه دن شامه ضیا یکسر
تجلّی ایتدی جمله قصرلرده نور پیغمبر
ویروبدور عصر ظلمتده صفا دنیایه اول سرور
قویوب دوردومجی گوگده واله و حیران مسیحانی
ویروب امر خدائیله ملکلر گوگلره زینت
جهالت رکنی سیندی، پاره لندی پرده ی ظلمت
ایدنده برج رحمتدن طلوع بو شمس حریّت
چکیلدی نقشه ی کفره اودم بیر خطّ بطلانی
اولوب نور خدا ظاهر او ساعت مه جبینینده
نمایان ایلدی اوز قدرتین خالق حبیبینده
یقین خورشید تابان منفعل اولدی طلوعینده
گورنده سربسر آفاقی دوتموش نور رحمانی
ایدوب نور نبوّت پایه پایه اوج افلاکه
دوشندی رحمتاً للعالمینون رحمتی خاکه
شعاع حسنی چون سالدی شفق هر بیر دل پاکه
سیلیندی مومنین قلبی گیدوبدور رنگ نقصانی
قویان وقته قدم بو عالمه چون شافع محشر
بروزه گلدی بو عالمده بیر اوزگه غرائبلر
ظهور ایتدی عجائبلر، قالوب حیران نوابغلر
ویرنده هاتف غیبی او اثناده بو اعلانی
قویوب اهل زمین ایچره محمّد اسمینی سرمد
خطاب ایلر سماوات اهلی بو شاهنشهه احمد
شفیع روز رستاخیز ابوالقاسم لقب امجد
بو شهدن خاطره الله آچوبدور باب احسانی
هدف اولدی بو گون تیر شهابه لشکر شیطان
وروده اولمادی بیرده سماواته داخی امکان
دوشوب بو ماجرادن حیرته ابلیس اولوب حیران
خیال ایتدی قیامتدور، قوروب حق عدل میزانی
یخلدی ناگهان شاه عجم تخت ریاستدن
اودم آتشکده خاموش اولوب دوشدی حرارتدن
بو یاندا خشک اولوب دریاچه ی ساوه او ساعتدن
اثردن دوشدی سحر ساحران، ختم اولدی دورانی
صنملر یکسره بتخانه لرده سرنگون اولدی
تزلزل ایلدی ایوان کسری واژگون اولدی
بو گوندن کاهنان سحرگر خوار و زبون اولدی
دوتوب وحشت همان لحظه دل ناپاک دونانی
دل آچدی ذکر حقّه جمله خلق ماسِوا یکسر
بو گلدن تاپدی زینت گلستانلار، عطر آلوب گللر
یره نازل اولوب تا دسته به دسته ملائک لر
بیر اوزگه عالم اولدی دوتدی رحمت سطح غبرانی
او رحمتدن سماوه وادسینده آب اولوب جاری
او یر که مین ایل اوردا اولمادی اصلا سو آثاری
اولان بو نعمت عظمالرین جمله سبب کاری
وجود پاک ختم الانبیادور اول وفا کانی
نسیم رحمت اسدی گلستان دین اسلامه
یتیشدی جاهلیّت بربریّت عمری اتمامه
یتوردی امّت مرحومه نی لطف خدا کامه
ایدوب نازل رسول اکرمه آیات قرآنی
کناره چکدی اهل عالمی بحر ضلالتدن
طریق عزّته سوق ایلدی راه جهالتدن
اولان پیرو سعادت تاپدی بو کان عدالتدن
عزیز عالم اولدی درک ایدوب فردوس رضوانی
چکوب دین اوسته ختم انبیا چوخ رنج بی پایان
دوزوب هر بیر جفایه، قویمادی تبلیغیده نقصان
دیوب احکام دینی خلقه، غفلت ایتمدی بیر آن
ئولونجه ایلدی اسلامه دعوت اهل دنیانی
نلر چکدی الیندن امّتین بولمز مگر الله
ایدردی سنگسار اول نازنینی فرقه ی گمراه
حقیقتدن ایدن وقته او شه مشرکلری آگاه
اونا نسبت ویروب وحشی جماعت کذب و هذیانی
گیچنده رهگذردن هر زمان پیغمبر رحمت
سپردی باشینه کول باملردن رحمسیز امّت
توکوبلر خار ایاقی آلتینا چوخ ویردیلر زحمت
گینه رافتله تبلیغات ایدردی قوم نادانی
مبارک قلبی بو امّت غمینده برملا دولدی
جمال بی مثالی برگ گل تک غصّه دن سولدی
دگوب سنگ جفا دندان زیباسی شکست اولدی
بویاندی قانیله آخِر لبان گوهر افشانی
نه قدری اینجیدی، دوزدی دایاندی جور اعدایه
شکایت ایتمدی هرگز حضور حیّ یکتایه
مقام صبریده دوردی ایدونجه رحلت عقبایه
قویوب حیرتده صبری آدم و ایّوب و موسانی
«شعاع» یازدوقجا گوزیاشون آخور رخساره چون باران
مصیبت یازما بو گون عیددور اولما بیله گریان
گوزل بیر عیدیانه ایسته حضّاره سنه یزدان
نصیب ایتسون حسینون قبرینی هر وقفه قربانی
شاعر : مرحوم شعاع تبریزی
اشعار ولادت حضرت رسول اکرم (صلی الله)
ظاهر اولوندی اوندا که قدرت حی کردگار
بنیهٔ آفرینشه ال قاتوب آفریدگار
لوح و قلم که ابتدا گلدی وجود هستیه
نقش و نگار اولوب همان لوحده بش بزرگوار
خاک و گلینده خلقتین چون واریدی محسنات
خیر و صفائیلن چاتوب حد کماله کاینات
روح و صفا تاپوب همان لحظه حیاتیلن ممات
بحر بلا یارانمامیش نقشهٔ کشتی نجات
بحر کرامت ایچره گون مثلی اولوبدور آشکار
حکمت اوزیله خلقته طرح اولوب حکمت خدا
خاصه نظام و نظمیلن دوشدی ردیف انبیا
پشت سرینده اونلارین گلدی صفوف اولیا
آدمه امر اولوبدی گل خاتمه ایله اقتدا
سن او وجود نازنینیله تاپوبسان اعتبار
منتظریدی مقدم پاکینه دیدهٔ جهان
ضمن تولدینده جان تاپدی زمینیلن زمان
سجدهٔ شکره باش قویوب جن و ملک فرشتگان
مدیون اولوب بو حضرتین اسمینه کونیلن مکان
اهل جهان دایانمش ال سینه ده شادماندلار
اهل حجاز گوردولر چهرهٔ ختم مرسلی
قدرت حلقه تولانور باشینه نور منجلی
قلبدن اولدی شادمان جمله جهانیان بلی
گوگلری سیر قیلمادان قطع اولوب ابلیسین الی
درگه حقدن اولدی اول شوم و لعین برکنار
عالمه قویجاقین قدم شوقیله مفخر البشر
لرزه دوتوب مدائنین کاخی گوروب بیوک خطر
بتکده لر سینوب هامی سحر لر اولدی بی اثر
ساوه ده بحر خشک اولوب رود سماوه بهره ور
آتش فارس اولوب خموش اهل ستم چکور شرار
لیل ولادتین گورن واله و سرگران قالوب
صبح آچلینجا مرد و زن مکه ده ناگران قالوب
گوگده شهابلر دگور بیر بیره کهکشان قالوب
شیطنت ایلینلرین هامی سی باغریقان قالوب
خیره لنوب بو حاله بو معجزه چشم روزگار
اوندا که گل جمالینی گوردی گوزل ستاره لر
دوره لمیشدی طفل مه پاره نی ماه پاره لر
بحر تحیراتیده غرق اولوب هرچه کاره لر
بولدوله چاره سیزلره فتحده راه چاره لر
زور دینلر اولدی اوز ظلملرینده بی قرار
هانسی قلمدی حضرتین ایلیه شرح حالینی
حق اوزی تعریف ایلیوب مرتبه و کمالینی
پوزدی کمال حسنلن ابرهه نین جلالینی
بیر صلواتیلن اونین یاد ایله گل جمالینی
صلوات او گل جمالینه اولسون هزار صد هزار
آچدی کمال حسنلن باغ نبوتین گلی
مزرعهٔ امامتین اوندا حورولدی سنبلی
زاغ و زغن که دائماً داره چکردی بلبلی
گوردوله باغباندی حق گلشنینه دوشوب یولی
باشینون اوسته غیبدن چتر محبت آچدیلار
آلدی محبتیله اوز چیگنینه حق لواسینی
دین حنیفین عشقیله محکم ایدوب بناسینی
چکدی بو یولدا امتین جورینی هم جفاسینی
اهل حقه تانیدروب بیر به بیر آل یاسینی
اولدی حقیقت اهلینون باشینه تاج افتخار
مدت عمرین آتمش اوچ ائلده یتردی آخره
پند و نصیحت ایلدی آتمش اوچ ائلده یکسره
باشینه کل توکوبله هر لحظه ایدوبله مسخره
آل امیه اولماسین ظلم ایلیوب او سروره
مدرک او ظلمه اوغلونین واقع کربلاسی وار
کرب و بلا که موسی عشقه ایشیقلی طور اولا
طوری تجلی ایلین نور حسینی نور اولا
نور تلألو ایلجاق اوندا حسین ظهور اولا
حقی وار ایله بیر یرین باشدان ایاقه شور اولا
لطف خدادی گلشنه تبدیل اولوبدی شوره زار
کرب و بلا او یردی که نوحیله سازگار اولوب
کرب و بلا او یردی که یر یوزینه وقار اولوب
کرب و بلا او یردی که عالمه افتخار اولوب
کرب و بلا او یردی که خون خدا نثار اولوب
وصله چاتوب او یرده چون چوخلی خدائی جان نثار
کرب و بلا که روز و شب غبطه سین ایلیه جهان
کرب و بلا که اولین زائری اولدی قدسیان
کرب وبلا که ایندیده نور آلور اوندان آسمان
کرب و بلا که ذکر ایدن اسمین اولوبدی نوحه خوان
رتبهٔ نوحه خوانلقا چاتمش “امینی” زان شعار
شاعر : امینی
متن مولودی ترکی مدح و میلاد حضرت رسول اکرم (صلی الله)
عالمه قویدی قدم چون حضرت ختمی ماب
برج عزتدن طلوع ایتدی اوگون مین آفتاب
شمس وحدت ملجاء انوار ذات کردگار
ظاهراولدی خجلتیندن گون یوزه سالدی نقاب
فتح باب فضل وعلم ایتماقلقا بو عالمه
گون کیمی برج جلالتدن چیخوب ام الکتاب
طورسیناتک جهانی دولدوروبدورنوریله
قالدیلارحیرتده بو انوارحقدن شیخ وشاب
لوءلوءگنج حقیقت مخزن علم خدا
ظاهره گلدی خجالتده قالوب درخوشاب
ساکنان عرش اعلا گلدیلر پابوسینه
یریوزی مطلق همان گون اولدی رشک نه قباب
طاق کسراده اولوب لیل ولادتده شکست
یریوزینده گورسنوب تغییراصلی بیحساب
خلق اولوبدورگزچه آدمدن قاباق ختم رسل
آخره قالماقدا وار منظوررب مستطاب
ایستدی عبدیتی عالملره ویرسون نشان
ایلدی نسل پیمبردن حسینی انتخاب
کربلا دشتینده منظورخدا گلدی اله-
اوندا که دوشدی تراب استه عزیز بوتراب
باش یارا سینه یارا اللریارا پیکریارا
تشنه لیقدان قلب مجروحی دوتاردی التهاب
سجدیه قویدی یارالی سجده گاهین شاهدین
بینیازه ایتماقا رازایلیوبدورفتح باب
عرض ایدوب یارب من ایتدیم عهدیمه ایفا بو گون
ایت گلن اوز عهدیوه سنده وفا یوم حساب
(اشکیا)ساخلا الین یازماحسینین حالینی
اولمادی بلمم ندورعلت او گون عالم خراب
شاعر : اقای حاج مجید اشگی فرزند کلامی تبریزی
